радиациядан қорғайтын паналау орындары

(Противорадиационное укрытия)

жер радиоактивтік заттармен зақымданған кезде адамдарды иондаушы сәулелердің, жарық импульсінің, өткір радиация-ның әсерінен, ішінара химиялық және радиоактивтік заттардан, биологиялық құралдардан және соққы толқынының әсерінен қорғайтын орын. Р.қ.п.о-ның қорғағыштық қасиеттері радиация дозасының әлсіреу коэффи-циентімен анықталады. Қорғағыштық қасиеттері жағынан Р.қ.п.о. 50-ден 200-ге дейінгі қорғау коэффициентіне қарай топтарға бөлінеді. Р.қ.п.о. ретінде, ең алдымен, үй астындағы жертөледе, ұралар және басқа жер асты жайлары пайдаланылып, олар Р.қ.п.о-на қойылатын талаптарға сай жабдықталуға тиіс. Олар Р.қ.п.о-на бейімделіп жасалады: терезе ойықтары бітеліп, төбесіне және қабырғаларына топырақ қабаты төгіледі, ауа тарту және ауа шығару желдеткіштері орнатылып, жылу және су жүретін құбырлардың ішке енгізілген жерлері, есік ойықтары ауа кірмейтіндей етіп бітеледі. Жылу, су, электр жарығы — инженерлік-коммуналдық тораптардан, ал авариялық жарық беру — аккумуляторлардан немесе электршамдардан беріледі. Санитариялық торап бір-екі ойығы және ауа тартатын желдеткіш тесігі бар қоқыс төгілетін шұңқыр түрінде жасалады. Су құбыры жоқ кезде әр адамға тәулігіне 2 л есебімен ауыз суға арналған тасымалданатын бактар орнату қарастырылады.